CHAMA CHAUMA CHAFANYA MAKUTANO MKOANI MARA

TAARIFA YA CHAMA CHA CHAUMA KIKIWANI MKOANI MARA – TAREHE 4 JUNI 2025 Chama cha Ukombozi wa Umma (CHAUMA) kilifanya ziara rasmi mkoani Mara tarehe 4 Juni 2025, ikiwa ni sehemu ya kampeni ya chama hicho ya kuimarisha uhai wa chama na kuhamasisha wananchi kushiriki katika mchakato wa kidemokrasia kuelekea uchaguzi mkuu wa 2025. Ziara hiyo iliongozwa na Mwenyekiti wa chama Taifa, Mhe. Hashim Rungwe Spunda, pamoja na viongozi mbalimbali wa kitaifa na kikanda. Viongozi hao walifanya mikutano na wanachama, walitembelea matawi ya chama na kuzungumza na wananchi katika maeneo kadhaa ya wilaya za Musoma Mjini, Bunda, Rorya na Tarime. Katika hotuba yake kwa wananchi wa Musoma, Mhe. Rungwe alisisitiza umuhimu wa wananchi kujitokeza kwa wingi kujiandikisha na kushiriki kwenye uchaguzi mkuu ujao. Alisisitiza kuwa CHAUMA kimejipanga kuleta mabadiliko ya kweli kwa kushughulikia changamoto za ajira kwa vijana, huduma duni za afya, na kupigania rasilimali za taifa zitumike kwa manufaa ya wananchi wote. Miongoni mwa mambo yaliyojadiliwa ni pamoja na: Kuimarisha uongozi wa chama ngazi za chini. Kupanga mikakati ya uchaguzi wa serikali za mitaa. Kutoa elimu ya uraia na haki za kidemokrasia kwa wananchi. Kuongeza wanachama wapya na kusajili matawi mapya ya chama. Wananchi wa Mara walionyesha mwitikio mkubwa na kutoa maoni yao kuhusu masuala mbalimbali ya kijamii na kiuchumi, huku wakieleza matumaini yao kwa CHAUMA kama chama mbadala chenye dhamira ya kweli ya kuwatumikia Watanzania. Ziara hiyo imetajwa kuwa ya mafanikio makubwa na ni sehemu ya mpango wa chama huo wa kuzunguka mikoa yote ya Tanzania bara na visiwani kabla ya uchaguzi mkuu.